يااااااااه اد ايه شئ جميل انك ترخمى ع اختك الصغيره ممتع ويديكى دافع انك
ترخمى اكتر واكتر.. فى الحقيقه انا مش عارفه انا ليه بحب ارخم ع اختى
الصغيره بس اللى انا متاكده منه انى ببقى مبسووووووووووووووطه!!ترخمى كده ع
اختك الصغيره وهى تسيب اللى فى ايديها وتجرى وراكى عشان تضربك وانتى
فطساااااااانه من الضحك اما بأه عن الطريقه ففى كتيييييييييير وانتى وشرك
بأه اقصد انتى وشطارتك بأه:
* اسهل حاجه وهى بتلعب ع
الكمبيوتر ومركزه اووووى تروح تشيلى الفيشه!!! ( حركه رخمه اوى)
هاهاهاهاها ماتسيبيش كتاب من كتبها الا وتشخبطى عليه وبأكبر خط عندك وتروحى
تكتبى اسمك ع الجلده *يا سلام بأه لو عندها بكره تريكوه تروحى فكالها البكره
وتسيبهالها مفاجأه فى اوضتها !!!!!!!! (متعبه اوى البكره دى)
*لو البت قاعده فأمان الله كده وبتتفرج ع التليفزيون او بتعمل حاجه تقومى تضربيها وتجرى (هتجرى وراكى بأه ودى المتعه)
*لو
هى بتتكلم فالتليفون وانتى عاوزه تتكلمى (مش هستأذن طبعا) تروحى
تشيلى الفيشه!!!!(اصلها هترغى كتير وانا مشغوله اوعوا تظلمونى)او ترفعى
سماعه تانى وتقومى فنص الكلام تقولى ايوه صح وطبعا تجرى وتروحى تستخبى
بأه!!!!
طبعا فى حاجات تانيه كتير الطيبين اللى زيى مش هييئسوا من فعل الخير اهم حاجه متخليهاش تتهنى بأى حاجه تعملها وربنا يخلينا ليهم
ودلوقتى بدل منشد فى شعرنا منهم هما اللى هيشدوه
الأربعاء يوليو 20, 2011 5:34 pm